Kisi ko day kay dill koe nawa sang faghan q ho : Ghalib

کسی کو دے کے دل کوئی نوا سنجِ فغاں کیوں ہو

نہ ہو جب دل ہی سینے میں تو پھر منہ میں زباں کیوں ہو

Kisi ko day kay dil koe nawa sanj faghan kion ho

Na ho jab dil hi seenay main to phir monh main zuban kion ho?

وہ اپنی خو نہ چھوڑیں گے ہم اپنی وضع کیوں چھوڑیں

سبک سر بن کے کیا پوچھیں کہ ہم سے سر گراں کیوں ہو

Woh apni khoo na chorain gay ham apni waza kion badlain

Sabok sar ban kay kea pochain kah ham say sar garan kion ho

کِیا غم خوار نے رسوا، لگے آگ اس محبّت کو

نہ لاوے تاب جو غم کی، وہ میرا راز داں کیوں ہو

Kea gham khar nay ruswa lagay aag is mohabat ko

Na laway tab jog ham ki , who mera razdan kion ho

وفا کیسی کہاں کا عشق جب سر پھوڑنا ٹھہرا

تو پھر اے سنگ دل تیرا ہی سنگِ آستاں کیوں ہو

Wafa kaisi kahan ka ishq jab sar phorna tehra

To phar ay sang dil tera hi sang e aastan kion ho

قفس میں مجھ سے رودادِ چمن کہتے نہ ڈر ہمدم

گری ہے جس پہ کل بجلی وہ میرا آشیاں کیوں ہو

Qafas main mujh say rodad e chaman kahtay na dar hamdam

Giri hay jis pay kal bijli who mera aastan kion ho

یہ کہہ سکتے ہو "ہم دل میں نہیں ہیں" پر یہ بتلاؤ

کہ جب دل میں تمہیں تم ہو تو آنکھوں سے نہاں کیوں ہو

Yah kah saktay ho “Ham dil main nhen hain” par yah batlao

Kah jab dil main tumhen tum ho to aankhon say nihan kion ho

غلط ہے جذبِ دل کا شکوہ دیکھو جرم کس کا ہے

نہ کھینچو گر تم اپنے کو، کشاکش درمیاں کیوں ہو

Ghalat hay jazb e dil ka shikwah daikho jurm kis ka hay

Na khencho gar tum apnay ko, kasha kash darmian kion ho

یہ فتنہ آدمی کی خانہ ویرانی کو کیا کم ہے

ہوئے تم دوست جس کے، دشمن اس کا آسماں کیوں ہو

Yah fitnah admi ki khana weerani ko kea kam hay

Hoay tum dost jis kay, dushman us ka aasman kion ho

یہی ہے آزمانا تو ستانا کس کو کہتے ہیں

عدو کے ہو لیے جب تم تو میرا امتحاں کیوں ہو

Yahi hay aazmana to satana kis ko kahtay hain

Addoo kay ho leay jab tum to mera imtehan kion ho

کہا تم نے کہ کیوں ہو غیر کے ملنے میں رسوائی

بجا کہتے ہو، سچ کہتے ہو، پھر کہیو کہ ہاں کیوں ہو

Kaha tum nay kah kion hog hair k milnay main ruswai

Baja kahtay ho, sach kahtay ho, phir kahio kah hank ion ho

نکالا چاہتا ہے کام کیا طعنوں سے تُو غالبؔ

ترے بے مہر کہنے سے وہ تجھ پر مہرباں کیوں ہو

Nikala chahta hay kam kea taanon say to Ghalib

Tray bay mahr kehnay say who tujh par mehrban kion ho