یونہی افزائشِ وحشت کے جو ساماں ہوں گے
دل کے سب زخم بھی ہم شکلِ گریباں ہوں گے
Youn he afzaish e
wahshat kay jo saman hon gay
Dil kay sab zakhm
bhe ham shakl e graiban hon gay
وجہِ مایوسیِ عاشق ہے تغافل ان کا
نہ کبھی قتل کریں گے، نہ پشیماں ہوں گے
Wajah e mayosi e
aashiq hay tghafol un ka
Na kabhe qatl
karain gay, na pasheman hon gay
دل سلامت ہے تو صدموں کی کمی کیا ہم کو
بے شک ان سے تو بہت جان کے خواہاں ہوں گے
Dil salamat hay to
sadmon ki kami kea ham ko
Beshak un say to
bhut jan kay khawahan hon gay
منتشر ہو کے بھی دل جمع رکھیں گے یعنی
ہم بھی اب پیروئے گیسو ئے پریشاں ہوں گے
Muntshir h okay bhe
dill jama rakhain gay yani
Ham bhe ab peroay
gaisoay pareshan hon gay
گردشِ بخت نے مایوس کیا ہے لیکن
اب بھی ہر گوشۂ دل میں کئی ارماں ہوں گے
Gardish e bakht nay
mayous kea hay lekin
Ab bhe har gosha e
dil main kai arman hon gay
ہے ابھی خوں سے فقط گرمیِ ہنگامۂ اشک
پر یہ حالت ہے تو نالے شرر افشاں ہوں گے
Hay abhe khon say
faqat garmi e hangama e ashk
Par yah halat hayto
nalay sharer afshan hon gay
باندھ کر عہدِ وفا اتنا تنفّر، ہے ہے
تجھ سے بے مہر کم اے عمرِ گریزاں! ہوں گے
Bandh kar ahd e
wafa itna tanafar , hay hay
Tujh say bay mahr
kam ay umr e gurezan! Hon gay
اس قدر بھی دلِ سوزاں کو نہ جان افسردہ
ابھی کچھ داغ تو اے شمع! فروزاں ہوں گے
Is qadar bhe dil e sozan
ko na jan afsurdah
Abhe kuch dagh to
ay shama! Farozan hon gay
عہد میں تیرے کہاں گرمیِ ہنگامۂ عیش
گل میری قسمت واژونہ پہ خنداں ہوں گے
Ahd main teray
kahan garmi e hangama e ash
Gul mairi qismat
wazanah pay khandan hon gay
خوگرِ عیش نہیں ہیں ترے برگشتہ نصیب
اُن کو دشوار ہیں وہ کام جو آساں ہوں گے
Kho gar e ash nhen
hain teray bargshtah naseeb
Un ko dushwar hain who
kam jo aasan hon gay
موت پھر زیست نہ ہو جائے یہ ڈر ہے غالبؔ
وہ مری نعش پہ انگشت بہ دنداں ہوں گے
Mout phir zeast nah
o jay yah dar hay ghalib
Who mairi nash pah
angusht bah dandan hon gay
0 comments:
Post a Comment